CYRUS seu CYROPOLIS

CYRUS, seu CYROPOLIS

Syriae civitas a Iudaeis exstructa, in memoriam Cyri, qui eos ex captivitate dimiserat. Procop.

Episcopalis sub Patriarcha Antiocheno, Theodoretus huic olim praefuit. An Quars hodie? Ibi Synodus, contra P. Fullonem, A. C. 476. Albertus Miraeus, Geogr. Eccl. Chalcidensium item urbs, in Euboea. Polyaen. l. 3. Aliter Cyrrhus et Cyrros, iuxta Marsiam fluv. 45. milliar a Zeugma, totidem ab Euphrate in Occasum, 25. infra Berroeam seu Alepum, in Austrum. Baudrand. Est et Mediae fluv, Ptol. Item alius eiusdem nominis Scythiae fluv. De quo Mela, l. 3. c. 5. Cyrus et Cambyses ex radicibus Coraxici montis vicinis fontibus editi et in diversa abeunt, perque Ibevos, et Hyrcanos diu et multum distantibus alveis defluunt; post non longe a mari eôdem Lacu accepti, in Hyrcanum sinum unô ore perveniunt. Vide sis illic Vossium. Corus olim dicebatur, teste Strabone, Cyrech Pineto est, Cori Castaldo, Cur Nigro, ex Elcur Ramusio. Videtur eum Mattheus Michoviensis Tirk appellare. Thevetus scribit eum ab incolis Lada vocari. Perperam Κύρνος apud Plut. et Dion.